منو
میر جعفره خطاب
میر جعفره خطاب
جعفرا، راه باطله گئتمه،
خیش و اقوامه اعتبار ائتمه.
بولهب احمدین عمی سی ایدی،
بیلدین آیا نه ائیله دی، نه دئدی؟
قیلدی آزارلر او خانه خراب،
دئدی اول شاهه ساحر و کذاب.
اولدی اهل جهیم او بی مایه،
گلدی شأنینده بیر نئچه آیه.
قوروسون اللری ابو لهبین!
کسیلیر اللری او بی ادبین.
دولت و کسبی ائتمه‌دی چاره،
اونو حق داخل ائیله‌دی ناره.
عورتی گرده نینده حبل مسد
اولدی حمال هیزوم اول مرتد.
اولا بیر اقربا اگر کودان
بیل کی، بیگانه یاخشیدیر اوندان.