عضدالدوله نین اوغلونون

عضدالدوله نین اوغلونون
خسته لنمه سی

عضدون اوغلو اولدی چون بیمار،
آتاسیندان توکندی صبر و قرار.
دئدی بیر عابد فرشته نهاد:
قوشلاری ائیله بنددن آزاد،
تا خدا اوغلوا شفا وئرسین،
لطف ایله دردینه دوا وئرسین.
اول خداوند عدل و بخشش و داد،
ائتدی بلبل لری او دم آزاد.
لیک بیر عندلیب نغمه سرا
نغمه سیندن مزین اولدی سرا،
قالدی کنج قفسده زار و اسیر،
بیقرار و حزین و بس دلگیر.
عضدون اوغلو تا کی تاپدی شفا،
بیلیب احوالی اول گل رعنا.
دئدی:– ای بلبل مسیح نفس،
سنی صوتون قویوب اسیر قفس.
اولماسایدی اگر بو گفتارین،
اولماز ایدی بو گونه آزارین.
نئجه کی، سیّد بدیع کلام
دیل بلاسین چکر جاهاندا مدام.
نطقدن دیر بلالر انسانه،
نطق ائله هر سؤزو حکیمانه.
دئمیرم کی، همیشه خاموش اول،
نطق هنگامی صاحب هوش اول.
نئجه کیم، سعدی ائیله‌میش اسرار؛
“اول اندیشه، وانگهی گفتار”*.
فکر قیلماق بنا دو، سؤز دیوار:
“پای بست آمدست، پس دیوار”**.
———————————–
* اوّل دوشون، سونرا دانیش
** اول بونوره، سونرا دیوار