فقیهین اوغلونا جاوابی

فقیهین اوغلونا جاوابی

بیر فقیهه اؤز اوغلو ائتدی خطاب،
دئدی، کئی فاضل بلندجناب،
بیرجه واعظ لرین سؤزوندن اثر
گؤرمورم من اؤزومده ذره قدر.
بو سببدن کی، گؤرموشم صد بار
یوخدو کرداری طبق گفتار.
ترک دنیانی ائیله یر تعلیم،
اؤزلری جمع ائیله یر زر و سیم.
اهل دنیایه وردی لعنت دیر،
گئجه گوندوز خیالی دولت دیر.
عالمین کی، اؤزونده یوخدو هنر،
ائیله مز بیر کسه کلامی اثر.
هر بیر عالم کی، اولسا تن پرور
اولا بیلمز او بیر کسه رهبر.
خلقه سؤیلر کی، ائیله یین احسان،
اؤزونین نفسینی ائدر نیسیان.
ایتیریب دیر اؤزون کی، اول فاضل
اولا بیلمز او رهبر جاهل.
وئردی عالم جواب، کئی جاهل،
ائتدیگین بیر خیال دیر باطل.
گر طلب ائتسن عالم معصوم،
قالیسان فیض علمدن محروم.
باخما عالمده فعل و کرداره،
عمل ائت، اولسا نیک گفتاره.
یاخشی سؤز کیمدن اولسا زیبا دیر،
دئمه بو مؤمن و او ترسا دیر.