سیچانلارین ایشدن خبر توتمالاری
گؤردو بو کیفیتی تا بیر سیچان،
اولدی سیچان فوجونه مژده رسان.
سؤیلهدی کی، مژدهلر اولسون سیزه،
بخت اولوب، شکر کی، یاور بیزه.
ایندی پیشیک تازه مسلمان اولوب،
ائیله دیگی ظلمه پشیمان اولوب.
غسل ائلهییب تازه، آلیب دستماز،
عابد اولوب خالقه ائیلر نیاز.
عهد ائلهییب توتمایا هرگز سیچان،
گرچی آجیندان وئره دل خسته جان.
مسجده، محرابه گتیرمیش پناه،
ائیله دیگی ظلمه اولوب عذرخواه.
گوندوز اوروج، گئجه عبادت قیلیر،
خالقه صدق ایله اطاعت قیلیر.
سبحۀ صد دانه گؤتورموش اله،
مسجده اورادی سالیب قولقوله.
راه عبادتدهدی چابک قدم،
یئتمز اونون گردینه شیخ الحرم.