منو
پیشیگین حیله گرلیکله توبه سی
پیشیگین حیله گرلیکله توبه سی
چونکی سیچانی یئدی اول حیله گر،
توبه ایچون مسجده ائتدی گذر.
عابد اولوب آلدی اله دستماز،
تا ائله یه خالقه راز و نیاز.
آلدی اله سبحۀ صد دانه نی،
توتدی ره عابد فرزانه نی،
سؤیله دی:– ای خالق ارض و سما،
چوخدو گناهیم، اونی عفو ائت مانا
قان ائله‌ییب قاپوا گلدیم دخیل،
عفو ائله تقصیریمی سن، یا جلیل!
توبه‌لر اولسون سنه، ای کردگار
قیلما منی روز جزا شرمسار!
بیر سیچان اؤلدورموشم، ای پادشاه،
ایستییرم توبۀ عذر گناه!
فیضی عمیمین منه اولسون کمک،
پایلایارام من ایکی باتمان چؤره ک.
گرچی آجیمدان چیخا جانیم منیم،
عرشه چیخا آه و فغانیم منیم،
توبه‌لر اولسون، یئمرم من سیچان!
عمر ائلرم خسته جیر، باغری قان.
هم بو صفت توبه ائدیب آغلادی،
لاله کیمی سینه سینی داغلادی.
شوغلو اونون ناله و فریاد ایدی،
تولکو کیمی حیله ده استاد ایدی.