منو
ریاکار عابد
ریاکار عابد
عابدی دعوت ائتدی بیر سلطان،
تا اولا خان لطفونه مهمان.
دئدی عابد کی، بیر دوا یئییرم،
اؤزومو من ضعیف گؤستررم.
چون گؤرر ضعفمی شه دوران
منه ائیلر عبادت ایله گمان.
دئیه جک کثرت عبادتدن،
عابد اولموش ضعیف طاعتدن.
اعتقادی زیاد اولور شاهین،
رحمتی ازدیاد اولور شاهین.
یئدی اول بیر دوا کی، قاتل ایدی،
در زمان عابدی هلاک ائتدی.
رسم معروف دیر کی، اهل ریا
اؤزونی دهرده ائدر رسوا.