منجمین حکایتی

منجمین حکایتی

وار ایدی بیر منجم ایام،
اونا پرویز ائدردی چوخ اکرام.
بیر گون عرض ائتدی:– کئی شه دوران،
گؤرموشم من نجوم ایلن کی، همان
منه بو هفته بیر بلا گله جک،
منی بیر شخص شوم اؤلدوره جک.
یازیغام، تا تؤکولمه سین قانیم،
اولا لطفون منیم نگهبانیم.
منی بیر هفته ساخلا پنهانی،
تا ائدیم دفع مکر عدوانی.
شه اونی حفظ ائدیبدی یانیندا،
یاتدی، شه یاتدیغی مکانیندا.
اتفاقاً، گؤر، اول ستوده سخن
وار ایدی شاهه بیر نئچه دشمن.
بیر گئجه زیر قصردن ادا
اوردولار نقب، ائتمه‌ییب پروا.
سر نقب ائودن اولجاغین ناشی،
اله دوشدی منجمین باشی.
ساندیلار کیم، بودور سر پرویز،
ائتدی لر پایمال خنجر تیز.
کسیب اول باشی ائتدی لر چو فرار،
اولدی پرویز خوابدن بیدار،
ائیله‌دی چوخ تأسف اول پیره،
بیلدی کیم، چاره یوخدو تقدی