آیی و سیچان حکایتی

بیر آیی یاتمیش ایدی راحتله،
اوزانیب خیلی استراحتله.
بیر سیچان آیی اوستن ائتدی گذار،
اولدی اول آیی خوابدن بیدار.
ال آتیب موشی ائیله‌دی نخجیر،
دوردو یالوارماغا اونا او فقیر.
دئدی کی، سن منی گل ائیله رها،
یئر دوشر ائیلرم عوض پیدا.
آیی گلدو، اونی رها قیلدی،
سیچانین مطلبین روا قیلدی.
بیر زامان اوچو قورموش ایدی دام،
دوشدی دام ایچره اول قوی اندام.
نه قدر زور قیلدی اول مغرور
دامی قیرماقلیق اولمادی مقدور.
باغیریب ناله و فغان ائتدی،
گؤز یاشین سیل تک روان ائتدی.
آیی نین ناله سین ائشیتدی سیچان،
بیلدی کیم، دام درده دیر پیچان.
گلدی کسدی دیشیله اول دامی،
آیییائیله‌دی سرانجامی.
دئدی آیی کی، قالمادیم غمده،
یاخشیلیق ایتمز ایمیش عالمده.