اوغلوما نصیحت

اوغلوما نصیحت

جعفر، ای سرو سرفراز پدر،
محرم سرّ عشق راز پدر.
هر بلا اولسا دهرده حادث،
بیل کی، دل دیر اولان اونا باعث.
فارغ اول کثرت مشاغل دن،
سؤوم سومت (sövmi-sümt) ایله قول باطل دن.
پاکدامان سن گر، ای دانا،
اولور عیسی یه حالتین گویا.
لال اول گرچی امره عارفسن،
مریم نکتۀ معارف سن.
گرچی روح القدس دور استادین،
هر هواری دن اولماز امدادین.
میل قیلما خبیس دنیایه،
سن اوروج ائت مکان اعلایه.
روح سن، دهرده مجرد اول،
سن ده سلطان ملک سرمد اول.
دیلوی ساخلا کذب و غیبتدن.
ایسته سن گر نجات محنتدن.
سیّدا، هر بلا اولا حادث،
بیل کی، دیل دیر اونا اولان باعث.