قارینقولو عابد

قارینقولو عابد

وار ایدی بیر قارینقولو عابد،
اهل تقوا، مقدس و زاهد.
هر گئجه نان یئییردی اون باتمان،
صبحه جن ختم ائدیردی بیر قرآن.
اونودا صبحه دک ناماز اوسته،
اصل معبودونا نیاز اوسته.
بیر نفر شخص ائشیتدی آنی، دئدی:
– نیم نان گر یئسیدی، یاتسا ایدی،
بو عباداتدن چوخ افضل ایدی،
هیچ شک یوخ کی، مرد اکمل ایدی.
قارنوی قیل طعامدن خالی،
اولاسان تا کی حکمته حالی.
قیل تناول طعامی سن کم کم،
ابن آدم سن، اولما ابن شیکم.