دیلنچی و خسیس

دیلنچی و خسیس

وار ایدی بیر بخیل صاحب مال،
بیر فقیر گلدی اوندان ائتدی سئوال،
دئدی کی، مستحقم، ای مولا،
منه وجه کفاف ائیله عطا.
دئدی:– بیر سؤز دئییم، گر ائتسن عمل
سنه احسان اولور “فمن یعمل”.
ائیله سن گر منیم سؤزومو روا،
ائدرم هر نه خواهش ائتسن عطا.
شاد اولوب اول فقیر و بی سر و پا،
دئدی:– ائتدیم قبول، ای آغا،
او نه سؤزدور، اونی بیان ائیله،
درج لعل آچ، گوهر فشان ائیله.
سؤزوی وحی تک حساب ائدرم،
تا کی تحصیلینه شتاب ائدرم.
دئدی:– اول سؤز بودور، ای اهل تعب،
هیچ بیر زاد مندن ائتمه طلب.
بوندان اؤزگه مرادین، ای سایل،
هر نه مشگل اولا اولور حاصل.
سیّدا، اولما سن وبال بخیل،
اؤزونین ویزری اولدی مال بخیل.
توتما گؤز دولت و منالیندان،
یئمه لقمه بخیل مالیندان.
طلب طیبات تحسین دیر،
“الخبیثاتی للخبیثین”*دیر.
————————————————————–
* خبیث خبیث ایچون دور (یعنی خبیث آداما خبیث راست گلیر)