شاهین جاوابی

شاهین جاوابی

سرور موشان ائشیدیب بو سؤزو،
تند قیزاردی آجیغیندان گؤزو،
سؤیله دی:– سیز صبر ائله یین بیر زامان،
من ائدرم جمع سپاه گران؛
جمع ائدرم لشکر جراریمی،
طبل و الم، یاور و سرداریمی.
بیر نئچه گون سیز منه مهمان اولون،
طعمه چش نعمت الوان اولون.
آش و پلو دان گؤتورون کام لار،
عیش قیلین، نوش ائله یین جام لار؛
برۀ بریان و شراب و کباب،
نقل و مزه، فیرنی و دولما، قوتاب.
اونلارا لاکین یئمک ایدی حرام،
ناله ائدرلردی فغان صبح وشام.
درد ایله بیر هفته فغان ائتدی لر،
گؤزه لرینی اشک فشان ائتدی لر.
اوخودولار فاتحه اموات ایچون،
نئچه قازان آسدیلا خیرات ایچون.
قویدو اولار خونچایا حلوالری،
پایلاماغا جؤوز و مونققالری.
گلدیله قبر اوستونه افغان ایله،
باشی آچیق، دیدۀ گریان ایله.
آغلادیلار بیر نئچه گون درد ایله،
اوخشادیلار مرده‌لری فرد ایله.