منو
اوغلوما نصیحت
اوغلوما نصیحت
ای اوغول، اولما چوخدا ساده ضمیر،
تا سنه مردم ائیله یه تزویر.
خلق اولوب مکر و حیله ده کامل،
ساده لوح اولما سن ده، ای غافل.
زیرک اول، یاخشییا یامان اولما،
خلقدن چوخدا بدگمان اولما.
هر سؤزو یوخلا، ائیله‌مه باور،
دار دنیاده آزدی دوغرو خبر.
چوخدو دنیاده مرد حیله شعار،
ظاهری ساده دل، اؤزو عیار.
مست لایقعل اولما، هوشیار اول،
خلقین اوضاعینه خبردار اول.
نئجه کیم، بو حکایت زیبا
سنه بو ماجرانی ائیلر ادا.