سنی ایله شیعه

سنی ایله شیعه

بیر نفر مرد شیعۀ خولَّس،
شیعه لیک ذات پاکینا مختص –
کی، آپارمیشدی دن دییرمانه،
چاتمیش ایدی اولاغه مردانه.
پالچیغا باتدی یولدا اول ائششک،
تایلاری دوشدی پالچیغا بی شک.
بیر تایین زورایله چیخارتدی اؤزو،
بیر تایی نین قالیر دالینجا گؤزو.
نه قدر “یا علی” دئییب چکدی،
چیخمادی تای، پالچیغا چؤکدو.
تا کی بیر سنّی قوی اعضا
اولدی بو ماجرا آرا پیدا.
“یا عمر” صوتونو بلند ائتدی،
زور ائدیب تایی لای دن گؤتدی.
نئجه گؤردون، دئدی، کیشی، عمری،
او امام هُمام و راهبری؟
شیعه نین اولدی رنگی گلناری،
اوزونه وردو قلبی نین ناری.
جنبشه گلدی جسمی نین قانی،
آچیبان لایه تؤکدو بوغ دانی.
دئدی:– اولسون منه حرام او چؤرک –
کی، عمردن اولا بو چؤلده کمک.