خندقی گئن قازیبلار

خندقی گئن قازیبلار

بیر نفر سُنی ایله بیر شیعه
هدف اولموشدو تیر تشنیه (təşniə).
یول گئدیردی لر اول ایکی احمق،
ناگهان چیخدی بیر بؤیوک خندق.
خندقین عرضی چوخ زیاده ایدی،
بو ایکی مرد هم پیاده ایدی.
دئدی سنی :– دئ “یا علی”، توللان،
تا گؤروم لطف ائدر شه مردان؟
شیعه بیر “یا علی” چکیب او زامان،
خندقی کئچدی برق تک پران.
دئدی:– کئچ، سن ده بس چاغیر عمری،
ایسته امدادوه او راهبری.
سُنی ده “یا عمر” قیلیب عنوان،
آرخی توللانماق ایسته دی، او زامان
دوشدی اورتاسینا او سُنی روان.
سُنی یه شیعه اولدی طعنه زنان.
دئدی کی، ای فقیر افتاده،
گلمه‌دی حضرت عمر داده؟
دئدی سُنی :– دئیل مقصر عمر،
خندقی گئن قازیبدی بو کافر.