حضرت عیسی نین قصه سی
بیر گون، ای روح حضرت عیسی،
کلمۀ حق، او نور پاک خدا
بیر مکاندان روان ائدیردی گذر،
وئردی لر فحش اونا یهودی لر.
بو عزیز اونلارا دعا ائله دی،
قیلدی تحسین لر ثنا ائله دی.
عرض قیلدی اونا هواری لر –
کئی اولان جمله عالمه رهبر،
ناسزا سؤیلهدی تمامی سانا،
سن ائدرسن بو قومه خیر و دعا؟
دئدی:– خرج ائیلهدی اولار وارین،
باطنین ظاهر ائتدی آثارین؛
من ده خرج ائیلهدیم نه واریم وار،
یوخ خزف، دُرّ شاهواریم وار.