فقیر و ظالم

فقیر و ظالم

بیر فقیرین پاپاغینی بیر کس
قاپیبان قاچدی گئتدی کارینا بس.
گلدی او وادیی خموشانه*
ائیله‌دی شکوه حی صبحانه.
دئدی لر:– ای فقیر دلساده،
پاپاغین گئتدی ظلم ایله باده،
بوردا یوخدور اثر کولاهیندان،
فایده یوخدو دود آهیندان.
ائلمه آه و ناله لر، ای زار،
اوتوما، گئت پاپاغینی آختار.
دئدی:– هر یانه قاچسا اول ابتر،
بیلیرم، عاقبت بورایا گلر.
بیل کی، جای حساب دیر بو مقام،
یئته جک داده قادر اعلام.
بیل بونو، قبردیر در محشر،
یازیلیب خوب و زشت ایچون دفتر.
روز محشردو جلوه گاه جلال،
کشف اولور اوندا نامۀ اعمال.
سیّدا، قورخ فعل منکردن،
حذر ائت انتقام محشردن.
اؤزوه ظلمو ائیله‌مه پیشه،
ائله روز جزادن اندیشه.
—————————-
* قبرستان