قوناغین ماجراسی

قوناغین ماجراسی

بیر فقیر اولدی بیر فقیره قوناق،
بیر ائوی وار ایدی نئجه چارداق.
چوخ ضعیف ایدی پردی سی، دیره یی،
قوناغین دوشدی قورخویا اوریی.
برک شاققیلداییردی دام و دیرک،
دئدی بو ائو یقین اوچار بی شک.
دئدی ائو صاحبینه اول بی دل:
– منه بیر آیری یئرده وئر منزل.
قورخرام کی، بو ائو اولا ویران،
منی تورپاقه ائیله یه یکسان.
دئدی ائو صاحبی کی، ای درویش،
قورخدان اولما بؤیله سن دلریش.
سنه من ائیله ییم بونو تصریح،
حقه بو خانه ائیله یر تسبیح.
دئدی:– بس قورخرام اولام نابود،
حقه بو خانه ائیله ینده سجود.