اوغلوما خطاب

اوغلوما خطاب

جعفر، ای ساده لوح و پاک ضمیر،
بیل کی، واردیر زناندا چوخ تزویر.
سورۀ یوسف ایچره مکر زنان
اوخوسان، ای اوغول، اولوبدو بیان.
بیل کی، قرآن آرا خدای علیم
بویوروب:”اِنّ کِیدِکُنَّ عظیم”*.
مکر شیطانی حق ساییبدو ضعیف،
مکر نسوان ایله قیلیب تحقیق.
آدمی اول نعیم و نعمتدن
زن چیخاردیبدو باغ جنّتدن.
زن وئریب مجتبی یه زهر جفا،
مرتضی مکر زندن اولدی فنا.
چوخ بؤیوک مکر اولدی مکر زنان،
زنه شاگرددو مکرده شیطان.
مکر زن چوخ ائوی قیلیب ویران،
مکر زن چوخلاری قویوب گریان.
————————————
* اونلارین (قادینلارین) حیله سی بؤیوک دور.