سلطانلا قول احوالاتی

سلطانلا قول احوالاتی

بیر غلام عجم له بیر سلطان
کشتییه اولدیلار سوار هامان.
گؤرمه‌میشدی غلام دریانی،
تیتره دی، ائتدی آه و افغانی.
نه قدر وئردی لر اونا تسکین،
اولمادی چاره، ائتدی آه و انین (آغلاری).
اولدی سلطانین عشرتی درهم،
خاطر پادشاهه یئتدی الم.
وار ایدی کشتی ایچره طرفه حکیم،
دئدی:– ای سرور فلک تعظیم،
وئره سن اذن، ای ستاره جویوش،
ائدره م بو غلامی من خموش.
دئدی سلطان کی، عین منت دیر،
غایت لطف دور، کرامت دیر.
بس بویوردو حکیم پرمایه
آتدیلار اول غلامی دریایه.
بیر نئچه غوته وردو سوده غلام،
گلدی کشتی طرف او سیم اندام.
توتدی سکان کشتینی محکم،
تا چیخیب کشتی اوزره قویدو قدم.
تاپدی آرام اول ملک منظر،
گؤردو اول پادشاه گردون فر
دئدی کیم، ای خازن اهل ادب،
بونون آرامینا نه اولدی سبب؟
دئدی:– بو گؤرمه‌میشدی دریانی،
ائیله ییردی بو آه و افغانی.
ائله کیم، گؤردو غرق محنتینی،
کشتی نین ایندی بیلدی قیمتینی.
عافیت قدرینی بیلیر او جاوان،
کیم، اولا بیر بلاده اشک افشان.