اوردولارین قارشیلاشماسی

اوردولارین قارشیلاشماسی

گؤردو اونون زورین او قوم ضعیف،
بیلدی یکایک ده دئیل لر حریف.
ائیله‌دی لر اونلارا بیردن هجوم،
اولدولا مخلوط جهول و ظلوم.
قویدو قیلیج بیر بیرینه اول سپاه،
گرد قوپوب، تیره اولوب روی ماه.
باش تؤکولوب خاکه چو برگ خزان.
هر طرفه سو کیمی قانلار روان،
بیر بیرینه آتدیلا تیر و خدنگ،
قان تؤکولوب خاکه، اولوب لاله رنگ.
پشته عیان اولدی او گون کشته دن،
بخت بد و طالعی برگشته دن.
سیندی، او گون قاچدی سیچان لشگری،
یاره لنیب اکثری دورد و گئری.
چونکی گئجه اولدی، هامی ائتدی خواب،
صبح طلوع ائتدی یئنه آفتاب.
ایکی قوشون اولدی مهیا یئنه،
شعله چکیب آتش دعوا یئنه.
بیر بیرینه دییدی یمین و یسار،
مئیمنه و مئیسره ده گیر و دار.
اوخ آتیلیب هر طرفه قیجاقیج،
مرد ایله نامرده قیلیج با قلیج.
وردو پیشیک قلب سپاهه اؤزون،
لشکر موشون او چیخارتدی گؤزون.
شاه سیچان ائیله‌دی فریادلار،
یعنی، جاوانلار، ائدین امدادلار!
غیرت و همت گونودور موش لار!
عهد و مروت گونودور موش لار!
بو پیشیگین آتینی بیر نئیلیین،
خاکه ییخین، عمرونو طی ائیله یین.
چکدی قیلیج غیرت ائدیب بیر سیچان،
یئتدی پیشیک شاهینا اول پهلوان.
چالدی قیلیج، شاهین آتین پئیله دی،
یاغ لی سیچان طرفه هنرائیله دی.
شه ییخیلیب، قاشدی پیشیک لر هامی،
اولدی سیچانلارین او گون بایرامی.
باغلادیلار قوللارینی تنگ اونون،
ائیله‌دی لر قتلینه آهنگ اونون.
عرشه چیخیب صوت دف و کرّنای،
ائتدی لر اورای، هارای، آی هارای!
اولدی پیشیک شاهی بیزه دستگیر،
شیر ژیانی ائله دیک بیز اسیر.