منجم احوالاتی

منجم احوالاتی

وار ایدی بیر منجم دانا،
نظرینده عیان نجوم سما.
سرّ تأثیر زهره یه واقف،
اثر زو زوانیبه عارف.
نقل ائدیرلر کی، اول هنر کانی،
بیلیر ایدی هر امر پنهانی.
بو منجم ائوینه گلدی سحر،
عورتین گؤردو غیره همبستر.
چوخ سقط وئردی، سؤیله‌دی دوشنام،
قیل و قاله ییغیلدی فوج انعام.
بیلدی لر خلق چون بو احوالی،
اولدولار تا کی حال دن حالی،
دئدی لر:– ای منجم رسوا،
سن کی اسرار چرخه سن دانا،
بس ندن اولمادین ایشه حالی،
بیلمدین اؤز ائوینده احوالی؟
اؤز ائویندن کی، سنده یوخدو خبر
داخی گؤی دن دانشما، ای ابتر.
اولدی معلوم یا اولول الباب،
رمز “کلُ منجمین کذاب”*.
سیّدا، یوخدو اعتبار نجوم،
بیزه اسرار حق دئیل معلوم.
————————————-
* بوتون منجم لر یالانچیدیر (حدیث)