سؤزونو بیر سؤیله‌ینین

سؤزونو بیر سؤیله‌ینین
سؤزونو ائدر ساغ بیر سؤز.
پیر نفسین دینله‌ینین
یۆزونو ائدر آغ بیر سؤز.

بیر سؤز واردیر خالق ایچینده،
دخی سؤز وار خۆلق ایچینده،
اولمایا کی، دلق ایچینده
دئیه‌سن چارقاداغ بیر سؤز.

سؤز واردیر، کسدیرر باشی،
سؤز واردیر، کسر ساواشی،
سؤز واردیر آغولو آشی،
بال ایلن ائدر یاغ بیر سؤز.

سؤزونو یاخشی بیشیرگیل،
یاخشی اوس ایله دۆشورگیل،
یارامازینی شاشیرگیل،
جانینا اولور داغ بیر سؤز.

ایسترم گؤره‌ییم یاری،
بو رمزی آنلاگیل باری،
هئزاران اهلی-ایقراری
ائلر قارا توپراغ بیر سؤز.

شاه ختایی آیاتیندان،
سؤزون سؤیله اؤز ذاتیندان،
اولمایا کیم، پیر قاتیندان
سنی ائده ایراغ بیر سؤز.