کؤنول سئیراندا گزرکن،
شاه گلدی، قوندو سارایا.
حاقا نیاز ائیلر ایکن
بیر انگل دۆشدو آرایا.
حاقین قاپیسیندان گیردیم،
کندی وۆجودومو گؤردوم،
معرفت قازانین قوردوم،
عشقی قاینادان کۆرهیه.
محبّت خاصلار خاصییمیش،
ائتمین حاقین نسیمیش،
سئوگی حاقین سئوگیسیمیش،
ارنلر نه دئر بورایا؟
حیله قوشادین، دۆشوردون،
فرقت قازانین داشیردین،
معرفت آشین بیشیردین،
دوزون داددیردین هرهیه.
ختایی دئر اختیارسیز:
نئیلییم دۆنیانی یارسیز.
اولدور عالمدن خبرسیز،
دوز تؤکمک ایستر یارایا.