گوهرین کئچمین یئرده

گوهرین کئچمین یئرده،
ساتما، قارداش، کرم ائیله.
لعل داشینی چای داشینا
قاتما، قارداش، کرم ائیله.

گؤردون بیر یئرده آشینا،
هر نه دئرسن اؤز باشینا،
یول داشینی یول قوشونا
آتما، قارداش، کرم ائیله.

گؤردون‌سه بیر یئرده رقیب،
نئیلرسن یۆزونه باخیب،
منکری قاتارا چکیب
گئتمه، قارداش، کرم ائیله.

ختاییم چاغیریر، اره،
دۆنیا بئله گلمیش زیرا،
عارف اوخون عبث یئره،
آتما، قارداش، کرم ائیله.