منو
کؤنلومو آلان منیم اول دیلروبا یاریمدورور
کؤنلومو آلان منیم اول دیلروبا یاریمدورور،
گرچی کؤنلومی آلور امّا کی، غم‌خواریمدورور.
نئجه کیم، جؤور و جفا قؽلسان بو من دیلخسته‌یه،
ائیلمن آندان شیکایت کیم، وفاداریمدورور.
گئجه‌لرده یوخو گلمز گؤزومه، قان آغلارام،
گؤگده‌کی کؤوکب دئگیل، شول چشم-بیداریمدورور.
تانری ایچون یولا گلسن، بیر قدم آهسته باس،
آیاغین آلتیندا توپراق جیسم-بیماریمدورور.
بو خطایی آفیتابه ائیله‌دی گؤگده نظر،
یار آیدیر کیم، آنا باخ، عکس-رۆخساریمدورور.
گرچی کؤنلومی آلور امّا کی، غم‌خواریمدورور.
نئجه کیم، جؤور و جفا قؽلسان بو من دیلخسته‌یه،
ائیلمن آندان شیکایت کیم، وفاداریمدورور.
گئجه‌لرده یوخو گلمز گؤزومه، قان آغلارام،
گؤگده‌کی کؤوکب دئگیل، شول چشم-بیداریمدورور.
تانری ایچون یولا گلسن، بیر قدم آهسته باس،
آیاغین آلتیندا توپراق جیسم-بیماریمدورور.
بو خطایی آفیتابه ائیله‌دی گؤگده نظر،
یار آیدیر کیم، آنا باخ، عکس-رۆخساریمدورور.