اول پری پئیکر کی، چشمیندن نیهان اولموشدورور

اول پری پئیکر کی، چشمیندن نیهان اولموشدورور،
باقی عؤمروم اولسون اول، جیسمیمده جان اولموشدورور.

یارب، اول گؤزلر نه باغین نرگیس-شهلاسیدیر؟
کیم، غمیندن جیسم و جانیم ناتوان اولموشدورور.

ائیله کیم، بۆلبول یئری گۆلشندیر، ائی گۆل یۆزلو یار،
کؤنلومه کویین مقامی گۆلسیتان اولموشدورور.

آنجا چکدیم مؤحنت-هیجرین غمین، ائی بی‌وفا،
جؤر-عشقیندن وۆجودیم ناتوان اولموشدورور.

تا خطایی گؤردو اول حۆسن و جمالین، ائی گۆنش،
گؤر نئجه عالم دیلینده داستان اولموشدورور.