حسرتین دردیندن، ائی جان، باغریم اولدو پارهلر
حسرتین دردیندن، ائی جان، باغریم اولدو پارهلر،
سوز-عشقین یۆرگیمده هر دم ائیلر یارهلر.
یاندیروب هیجران اودو کؤنلومو وئردی باده گؤر،
دوتدو افلاک-جهانی گئیدی گؤگ ده قارهلر.
دۆشدو حۆسنین منظرینه جان و دیل بو گؤزلریم،
چاره یوخ، ناچار اولوبدور، نئیلهسین بیچارهلر.
ترک ائدوب قویدوم، گئدرم، خانومانی، مۆلکی اوش،
هیجرین ائتدی من غریبی اۆشته گؤر آوارهلر.
اؤلدو دردیندن خطایی، بیر قدم رنجیده قؽل،
قبرینه باسگیل، ائشیتگیل صد هزاران نالهلر،