تا کی، دردیندن اولوبدور یۆرگیم صد پارهلر
تا کی، دردیندن اولوبدور یۆرگیم صد پارهلر،
تیغ-عشقین یۆرگیمنی صد هزاران پارهلر.
آی یۆزوندن آیرو گؤردوم دیدهی-بیخوابیمی،
گؤگ یۆزینده اویماز اولدو هر گئجه سیّارهلر.
زاهیدا، سن فاریغ اول، آهیمدن ایکراه ائیلهمه،
کیم، منیم باغریمدا چوخدور غمزهلردن یارهلر.
یارالی باغریم قانین تؤکدو گؤزومدن دمبهدم،
گؤر نهلر قؽلدی مانا شول نرگیس-خونخوارهلر.
چؽخمیه میسکین خطایی کؤنلو زۆلفیندن، نولا،
ایشی سئیر اولور آنین هر خاندا وار سیّارهلر.