قامتیندن مۆنفعیلدیر سایهی-سرو-بۆلند
قامتیندن مۆنفعیلدیر سایهی-سرو-بۆلند،
حسرتیندن عرعر و شۆمشاد اولوبدور دردمند.
عاریضین باغیندا زۆلفین تارینه بند ائیلهگیل،
ایستر ایسن نالهی-بۆلبولدن اولماق بهرهمند.
سربهسر بیر تارهی-مویین بهاسیدیر سنین
مۆلک-تبریز و جغاتای و خوراسان و خوجند.
تا کی، گلدی، ائی صنم، عشقین خیالی باشیمه،
دۆنیا و عۆقبا غمیندن کئچدیم و اولدوم لوند.
جانیمی عشقینه تسلیم ائیلهدیم ایخلاص ایله،
اول پری پئیکر منی، یارب، نهدن قؽلماز پسند؟
در بیابان-تحیّور قالمیشام بیخورد و خواب،
واله سرگشته و حئیران و زار و مۆستمند.
بو خطایی لبلرین عشقینده گر آه ائیلهیه،
آهینین سوزیندن اولور خاک اول کوه-سهند.