حۆسن ایله زیبا ایمیشسن، یا علی، سندن مدد
حۆسن ایله زیبا ایمیشسن، یا علی، سندن مدد،
گؤرک ایچینده بای ایمیشسن، یا علی، سندن مدد.
عشقله معشوق و عاشیق سنده اولموشدور ظۆهور،
سیرّ-مااوحی ایمیشسن، یا علی، سندن مدد.
عشق اوخیرلر آدینی راه-حقیقتده سنین،
عشق ایله شئیدا ایمیشسن، یا علی، سندن مدد.
اؤولیالار، انبیالار چوخدورور، ایلّا کی سن،
جۆملهدن اعلا ایمیشسن، یا علی، سندن مدد.
مؤمینه ایرشاد ائدیرسن لۆطف و احسان و کرم،
کافیره غوغا ایمیشسن، یا علی، سندن مدد.
یئرده، گؤگده ایستهمیر شول کور مۆنافیقلر سنی،
ظاهیرن پئیدا ایمیشسن، یا علی، سندن مدد.
اون سکیز مین عالمین سیرداش سن سیرّیندهدیر،
مۆرشید-بینا ایمیشسن، یا علی، سندن مدد.
قیسمت-روز-ازلده هم معین-مصطفی،
نرگیس-شهلا ایمیشسن، یا علی، سندن مدد.
آنجا کیم، سئیر ائیلهدیم، گزدیم وۆجودیم شهرینی،
میثل-بیهمتا ایمیشسن، یا علی، سندن مدد.
بو خطایی خستهدیل بیرلیگینه ایقرار ائدیر،
واحد-یئکتا ایمیشسن، یا علی، سندن مدد.