منو
ازلدن شاه بیزیم سولطانیمیزدیر
ازلدن شاه بیزیم سولطانیمیزدیر،
پیریمیز، مۆرشیدیمیز، خانیمیزدیر.
شاها قوربان گتیردیک بیز بو جانی،
شاهین سؤزو بیزیم ایمانیمیزدیر.
حسوده یوخدورور، یالانچی‌یا مرگ،
کی، گئرچک صؤحبتی بۆرهانیمیزدیر.
شاهی حق دئییبن گیردیک بو یولا،
حسینی‌یوز، بو گۆن دؤرانیمیزدیر.
بیز ایمام قوللاریوز صادقانه،
شهیدلیک، قاضیلیک نیشانیمیزدیر.
یولوموز اینجه‌دیر، اینجه‌دن-اینجه
بو یولدا باش وئرک، ارکانیمیزدیر.
خطایی‌یم، موالی، سیرّ-حئیدر،
شاهی حق بیلمه‌ین دۆشمانیمیزدیر.
پیریمیز، مۆرشیدیمیز، خانیمیزدیر.
شاها قوربان گتیردیک بیز بو جانی،
شاهین سؤزو بیزیم ایمانیمیزدیر.
حسوده یوخدورور، یالانچی‌یا مرگ،
کی، گئرچک صؤحبتی بۆرهانیمیزدیر.
شاهی حق دئییبن گیردیک بو یولا،
حسینی‌یوز، بو گۆن دؤرانیمیزدیر.
بیز ایمام قوللاریوز صادقانه،
شهیدلیک، قاضیلیک نیشانیمیزدیر.
یولوموز اینجه‌دیر، اینجه‌دن-اینجه
بو یولدا باش وئرک، ارکانیمیزدیر.
خطایی‌یم، موالی، سیرّ-حئیدر،
شاهی حق بیلمه‌ین دۆشمانیمیزدیر.