خار اولدو یۆرگیم هیجرینده، ائی گۆل یۆزلو یار
خار اولدو یۆرگیم هیجرینده، ائی گۆل یۆزلو یار،
یار باغریم آراسین، گؤر کیم، نئجه خار آندا وار.
وارما یانیمدان منیم، ائی هیجر-دیلسوزان-دوست،
دوست-دۆشمن خاموسی آغلار منیمچون زار-زار.
زار-زار آغلار چۆ بۆلبول گۆل یۆزونچون مۆرغ-جان
جاندان ائتمیشدیر منی جؤور ایله دؤور-روزیگار.
روزیگاریم تیرهدیر سنسیز، ایا آرام-دیل،
دیل نئچوک آرام دوتسون، حدن اؤتدو اینتیظار.
اینتیظارم وعدهی-وصلین یولوندا هر زامان،
هر زامان دیوانه تک داغلارا دۆشدوم بیقرار.
بیقرار اولدوم ساچین تک رۆخلریندن آیرو من،
من نئچوک آرام ائدیم سنسیز کی، اولدوم دیلفیکار.
دیلفیکار اولدو خطایی فیرقتیندن روز و شب،
روز و شب وصلین خیالی جاندا قالدی یادیگار.