بو شاه-پۆرکرم صاحیب نظردیر
بو شاه-پۆرکرم صاحیب نظردیر،
ویلایتدیر، یقین نور-بصردیر.
قوشانه غازیلر سئیف و سیلاحی،
مۆنافیق جانینا خؤوف و خطردیر.
یزیدین لشکری یۆز مین اولورسا،
ویلایت لشکریندن بیر یئتردیر.
مۆنافیق لشکری بیر غازی گؤرسه،
قویون کی، قورد توخور، آندان بئتردیر.
ایشارت قؽلدوغونجا بیر نظر شاه،
اؤنونده شۆمر و مروان دربهدردیر.
نیشانی اول گۆنش طلعتلی شاهین
باشیندا تاج و بئلینده کمردیر.
اولار کیم، جهل-تندیر سیرّ-قۆدرت،
آنی عاریف بیلور اینجه خبردیر.
جاهانگیر غازیلر مئیدانه گیرسه،
خواریجلر آیاغدا پای-سردیر.
چۆ رحمت یاغمورو ایردی زمینه
کی، هر بیر غازینین یۆز نامی وردیر.
یزیده زخم-سئیف و تیر و خنجر
باشیندان گئتمهسین تیغ و تبردیر.
علی بحر-حقیقتدیر، یقین بیل
حیات-جاویدانی مؤعتبردیر.
ویلایت بحرینه یول بولمویانلار
گؤزو عمیٰ و احمق، بیخبردیر.
نفس گؤهردیر آنی بیر بیلنلر،
سؤزین بیر سؤیلهینلر گئرچک اردیر.
قؽزیل عَلَم، قؽزیل بایراق، قؽزیل تاج
گئیینسه قاضیلر، اول گۆن حذردیر.
خطایی، شاه یولوندا جان فدادیر،
چه جای-مۆلک و مال و سیم و زردیر.