بو تۆبشی کیم، یئری در زیر-پادیر
بو تۆبشی کیم، یئری در زیر-پادیر،
فلکلر چرخی آنه رهنوماندیر.
همیشه خاکه سانمیشدیر اؤزونی
آنینچون گؤزلر ایچره توتیادیر.
مۆدوّردیر، مۆصوّر دیر، مۆنوّر،
یئر اۆسته سورهی-شمسالضحادیر.
آنین میراتینه باخ، حقی گؤر کیم،
کیم، اول آینهی-گئیتینومادیر.
یۆزی اول شمس ایمیش بزم اهلی ایچره،
تعالی شأنهُ، اهل-لیقادیر.
آنینچون اولموش آنین شربتی پاک
کی، حئیوان سوییلن یۆز تن نوادیر.
خطایی، شۆکر قؽل حق قۆدرتینه
کی، حقین بیلمهین اهل-خطادیر.