ائیلهدیم بۆنیاد اوّل بنده از نام-خودا
ائیلهدیم بۆنیاد اوّل بنده از نام-خودا،
اول یاراتمیش سرور-مردان علی المرتضی.
عاجیز اولما، ائی کؤنول، مۆنکیر گرکمز اهل-دیل،
حقتعالی بویروغودور مور الینده اژدها.
ائیله سولطاندیر کی، یوخدور میثل و هم همتا اونا،
بویروغوندان کیم، اونون چیخماز شه و میر و گدا.
کیم کی، حقه مۆنکیر اولدو، قوی جزاسیدیر اونون،
ذرّهجه رحم ائتمهگیل سن تا کیم، اول حالین دویا.
ایت رقیبلر طعنه ائدرسه، خطایی، حقه سال،
اولما غمگین کیم، سانا قؽلدیغینی حقدن تاپا.