رؤوشن یۆزون کی، زۆلفین اولوبدور نیقاب آنا

رؤوشن یۆزون کی، زۆلفین اولوبدور نیقاب آنا،
نیسبتدیر ابر ایچینده مه و آفیتاب آنا.

عشقین سنین کی، مخزن-گنج-الٰهی‌دیر،
آنداندورور کی، مسکن اولوبدور خراب آنا.

عشقین نه‌دیر جاهاندا سنین، ائی پری صیفت،
حئیراندورور فلکده گزن ماهتاب آنا.

اویخوده گؤزلریم نئجه گؤرسون جمالینی،
عشقینده چۆنکی گلمه‌دی بیر ذرّه خواب آنا.

عاشیقدورور یاناغینا زۆلفین خطایی تک،
آندان دۆشر بو وجهیله بو پیچ و تاب آنا.