منو
دوست یولوندا حالال اولسون، دیلا، غیرت سانا
دوست یولوندا حالال اولسون، دیلا، غیرت سانا.
غئیریدن بیر ذرّه مینّت چکمه‌دین، رحمت سانا.
اول صنم عزم-سفر ائتدی، کؤنول، ایلنمه کیم،
بیر نفس دیدار گر کیم، قالمایا حسرت سانا.
ائل دیل و دین، سیز چؽخین ائودن کی، دیلداریم گلور،
سن ده، ائی جان، دورما کیم، بیز وئرمیشیز رۆخصت سانا.
چاره‌ی-بهبودیمی سوردوم مۆعالیجدن، دئدی:
- درد درد-عشق ایسه، مۆمکون دئگیل صحّت سانا.
ائی خطایی، سن شهید-غمزه‌ی-دیلدارسن،
حشرده رشک آپارار یئتمیش ایکی میلّت سانا.
غئیریدن بیر ذرّه مینّت چکمه‌دین، رحمت سانا.
اول صنم عزم-سفر ائتدی، کؤنول، ایلنمه کیم،
بیر نفس دیدار گر کیم، قالمایا حسرت سانا.
ائل دیل و دین، سیز چؽخین ائودن کی، دیلداریم گلور،
سن ده، ائی جان، دورما کیم، بیز وئرمیشیز رۆخصت سانا.
چاره‌ی-بهبودیمی سوردوم مۆعالیجدن، دئدی:
- درد درد-عشق ایسه، مۆمکون دئگیل صحّت سانا.
ائی خطایی، سن شهید-غمزه‌ی-دیلدارسن،
حشرده رشک آپارار یئتمیش ایکی میلّت سانا.