ائی کؤنول، صیدق ایله هر کیم شاه ایلن یولداش اولا

ائی کؤنول، صیدق ایله هر کیم شاه ایلن یولداش اولا،
یۆز گرک دؤندرمه‌یه هر نئجه کیم، یول داش اولا.

یولو گر داش اولا، گر یای اولا، گر اوخ و قؽلیج،
مۆرشیدیندن دؤننین معنیده ایسمی لاش اولا.

قول گرک تانیدا اؤز دوغرولوغون حق یولونا،
اعتیقاددان آزمایا، گر بای و گر قلّاش اولا.

ائی کؤنول، جهد ائیله‌گیل دوغری اولا گؤر شاهه سن،
عاقیبت قلبی چؽخار، هر کیمسه کیم، قلّاش اولا.

ائی خطایی، صیدق ایله بو شاه ایاغینه گلن
عاقیبت بیر گۆن، گۆمانسیز، خلق ایچینده باش اولا.