هر کیمه کیم، سنجه‌له‌یین بیر پریوش یار اولا

هر کیمه کیم، سنجه‌له‌یین بیر پریوش یار اولا،
عقل و هوش و خانیمانیندان دخی آوار اولا.

باشینه هر کیمسه‌نین دۆشسه ساچین سئودالری،
ترک ائدوب دۆنیانی عؤمروندن دخی بیزار اولا.

سن کیمی عالمده اولماز، گر اولارسا، دیلبرا،
بو گؤزو جادوصیفت، هم قاشلاری مکّار اولا.

درد و غم گلدیکجه سندن شاد اولورمن، دیلبرا،
گؤروم، اونلاری منیم کؤنلومده برخودار اولا.

قؽلا دؤنموشدور وۆجودیم مؤحنت-جؤورین چکه،
ساغ گزن دۆشمنلرین بو بنده تک بیمار اولا.

همدمین دایم رقیب اولموشدور، ائی گۆل یۆزلو یار،
خاندا بیر گۆل بیتسه، لازیمدیر یانیندا خار اولا.

عشقینه هر کیم گیریفتار اولدو، ائی کافیر نئجه،
شئیخ صنعان تک بئلینه باغلایان زۆنّار اولا.

وصل ایلن شاد ائیله، قورتار درد و غملردن منی،
دردی هیجرانین چکن کی، بو دیل-افکار اولا.

وارمیدیر بیر کیمسه، یارب، اهل-عۆشّاق ایچره یار،
بو خطایی خسته دیل تک عاشیق-دیدار اولا.

ائی بنده، گر جهاندا پناهین الٰه اولا،
کمتر قولون مقامی سنین پادیشاه اولا.

عاشیق اودور کی، دعوی ائدرسه سؤزونه،
قانلی یاشیله چؤهره‌ی-زردی گۆواه اولا.

محرابی وار او زاهیدین، اما کی، عاشیقه
معشوقی‌نین ایاغی ایزی قیبلگاه اولا.

بدخواهیم اولا ج‍ۆمله جهان، چکمزم ملال،
چۆن اول صنم منیملن اگر نیک‌خواه اولا.

باشدان آیاغه بنده خطایی خطالودور،
زاهید، خاچان کی، خوبلاری سئومک گۆناه اولا.