هر زامان کیم، قارشوما اول دیلبر-مهرو گلور

هر زامان کیم، قارشوما اول دیلبر-مهرو گلور،
جانیما بیر اود دۆشور، بو دیلیمه یاهو گلور.

سینه‌می قارشو دوتارام کویینه اول دیلبرین،
ساغینورام دم‌به‌دم بئیس-قره‌ندن بو گلور.

حسرتیندن دیلبرین دۆشدوم سراندیب کوهینه،
عاشیق-دیل-خسته‌نی هر دم سورور آهو گلور.

جانیمی قوربان قؽلاردیم یولونا اول دیلبرین
اول زماندان کیم، دئیرلر اول بۆت-مهرو گلور.

ائی خطایی، سن وۆجودین جویینی پاک ائیله‌گیل،
چۆنکی پاک اولسا آنا سرچشمه‌ندن بیر سو گلور.