رۆخلرین مۆصحف، نیگارا، قاشلارین محرابلر

رۆخلرین مۆصحف، نیگارا، قاشلارین محرابلر،
باخدیم، اول یۆزدن مانا فتح اولدو یۆز مین بابلر.

ذرّه ایکن گۆن تکی عالمده مشهور اولموشام،
تا مانا دۆشدی سنین مئهر-رۆخوندن تابلر.

گر سنین یۆزون دئگیل عاشیقلر اۆچون قیبله‌گاه،
بس نه‌دن اولدو هیلالی قاشلارین محرابلر؟

تا سنین زۆلف و رۆخونی گؤرمیشم هر صبح و شام،
گئجه-گۆندوز گیریه‌دن گلمز گؤزومه خوابلر.

چین-زۆلفون بندینه دۆشدو خطایی خسته دیل،
شربت-لعلیندیر آنه قند ایله عنّابلر.