گئتدی اول مهرو یانیمدان، یۆز جفا قالدی مانا
گئتدی اول مهرو یانیمدان، یۆز جفا قالدی مانا،
جؤور بیلمن کیم، بلای-مۆنتها قالدی مانا.
ائی پری، چوخ عیشوهی-حۆسنینه مغرور اولما کیم،
مۆلک-فانی سانماگیل کیم، نه سانا قالدی، مانا.
تا کیم، اول خورشیدروخ گئتدی گؤزومدن سو تکی،
گؤز یاشیم آنین یۆزوندن آشینا قالدی مانا.
سن گئدندن برلو آنجا زار و افغان ائتمیشم،
یئر و گؤگ، اینس و ملک جۆمله باخا قالدی مانا.
دیلبرین گئتدی، خطایی، سن نئدیرسن دۆنیهنی؟
چۆنکی جان گئتدی، بو تن، یارب، نیا قالدی مانا.