منو
سرخوش-جام-الستم تا ابد هۆشیار مست
سرخوش-جام-الستم تا ابد هۆشیار مست.
مست-لایعقل گزرمن شهر ایچینده عار مست.
سوردولار مندن کی، نئیچون بی‌دیل اولدون، من دئدیم:
- اول سببدن بی‌دیل اولدوم، دیلبر و دیلدار مست.
حقینه عاشیق اولانلار شیرین جانا قالماسین،
دیدارا مۆشتاق اولانلار قیبله‌سی دیدار مست.
هر قمیشدن شکّر اولماز، هر تیکندن تازه گۆل،
هر کئییکین گؤبگیندن نافه‌ی-تاتار مست.
آدمی اولدور کی، آندا حۆسن-خۆلق و لۆطف اولا،
آدمی دئمه آنی کیم، جوبّه و دستار مست.
دایما ایستر خطایی شاه جمالین گؤرمگه،
شول گدای-عالی‌هومّت طالیب-دیدار مست.
مست-لایعقل گزرمن شهر ایچینده عار مست.
سوردولار مندن کی، نئیچون بی‌دیل اولدون، من دئدیم:
- اول سببدن بی‌دیل اولدوم، دیلبر و دیلدار مست.
حقینه عاشیق اولانلار شیرین جانا قالماسین،
دیدارا مۆشتاق اولانلار قیبله‌سی دیدار مست.
هر قمیشدن شکّر اولماز، هر تیکندن تازه گۆل،
هر کئییکین گؤبگیندن نافه‌ی-تاتار مست.
آدمی اولدور کی، آندا حۆسن-خۆلق و لۆطف اولا،
آدمی دئمه آنی کیم، جوبّه و دستار مست.
دایما ایستر خطایی شاه جمالین گؤرمگه،
شول گدای-عالی‌هومّت طالیب-دیدار مست.