اهل-حیاته سؤیلرم، ائی حیّ-لاممات
اهل-حیاته سؤیلرم، ائی حی لاممات،
فانی جهاندا کیمسهیه مونیس دئگیل حیات.
باقیدیر اول کی، دئرلر آنی واجبالوجود،
فرماندیر آنه ممتنعات ایله ممکنات.
جان بخش ائدر مماته لبین، ائی مسیح دم،
عیسیلرین عجبمی دمیندن بو مؤعجوزات؟
مهد-زمین ایچینده کی، طیفلی نبات ائدر،
آنا همیشه دایهی-لۆطف امیردیر نبات.
شطرنج-دهر ایچیندهکی آت اوینادان خانی؟
تقدیر بئیدقی آنی بیر دمده قؽلدی مات.
چۆن قول اولان قاپیندا گؤرر قدر-سلطنت،
بیر قولونام کی، وئرمیشم اول قدر ایچون برات.
یئتمز، خطایی، ذیکر ایلاهین نۆفوسینه،
بیر ذات ایمیش کی، ایرمز آنه ذات ایلن صیفات.