مۆجاهیدلر ماهنی‌سی

بیز گئدیریک آزادلیق‌چون دؤیوشه،
سینه‌لری داغلامایین، آنالار!
شهید اولساق یاشارماسین گؤزونوز،
باشا قارا باغلامایین، آنالار!

بیر واخت دئییب-گۆلنلرین یاسینی،
دۆشمن باغری دلنلرین یاسینی،
بو گۆنلرچون اؤلنلرین یاسینی
اوزون ایللر ساخلامایین، آنالار!

اونودولماز آزادلیق‌چون اؤلنلر،
بیزی آنار بیزدن سونرا گلنلر –
بیزیم کیمی ائل قدرینی بیلنلر،
آغلامایین، آغلامایین، آنالار!