ذاکیر، نه یاماندیر حالی دنیانین

حقدی، گؤزل چوخدو جاهان ایچینده،
گؤزلده بیر نئچه نشانه گرک.
اوّل، عاشیقینه مهربان اولا،
اوندان غیری لره بیگانه گرک.

گؤزه لین بلور تک گرک بدنی،
ائیله یه اؤزونه حیران گؤره نی،
یارلی-یاراشیقلی بویو، گردنی،
نه اوزون، نه گؤدک، میانه گرک.

عنبر خجیل اولا زلفو بوییندن،
قمر رخساریندان، شمس روییندن؛
جانلار تزه لنه گفت وگوییندن.
سؤزونون هر بیری دوردانه گرک.

مرفعتده کامل، سینّده اوشاق،
قدیربیلن، اؤزو دوغرو، سؤزو ساق،
قوزو قویروغو تک نازیک و یومشاق.
لرزه وئره جسمی هر یانه گرک.

ذاکیر، نه یاماندیر حالی دنیانین،
اسکیک اولماز قالماقالی دنیانین،
درد و سردی ملک لی مالی دنیانین،
جان اوچون بیر بئله جانانه گرک.