منو
فصل گولدور، ساقیا! کیم جام صهبادان گئچر
فصل گولدور، ساقیا! کیم جام صهبادان گئچر،
گلشنی ترک ائیله‌ییب یار دل‌آرادان گئچر.
دور گتیر بو بزم‌آرا دوره یئنه پیمانه‌نی،
کیم شراب ارغوانی عشرت افزادان گئچر.
باشیما دوشموش بو گون سودای زُلف عشق یار،
باده‌یه طالبدی کؤنلوم گؤر بو سودادان گئچر.
عالمی ائیلر معطّر نکهت زُلف سیاه،
چون نگار ماهوش ناز ایله صحرادان گئچر.
گوشه‌ی چشمیله صبر و اختیار الدن آلیب،
تورک مستیدیر گلیب گویا کی یغمادان گئچر.
فرقتینده روز و شب چون اشکبار اولموش گؤزوم،
بس کی افغان ائیلرم آهیم ثریادان گئچر.
کیم صنوبر قامتیندن کبک تک رفتاردان،
غنچه‌وش لعلینده‌کی شهد مصّفادان گئچر.
واعظ ائیلر منبر اوسته ذمّ اهل میکده،
باور ائتمه شاهد و بو جام مینادان گئچر.
بوینونا تحت‌الحنك سالمیش، آلیب تسبیح اله،
مکردیر باالله اینانما روی زیبادان گئچر.
هوشیار اول مضطرا اویما بو خواب غفلته،
طالب دنیا اولوب کیم فیض عقبادان گئچر.
گلشنی ترک ائیله‌ییب یار دل‌آرادان گئچر.
دور گتیر بو بزم‌آرا دوره یئنه پیمانه‌نی،
کیم شراب ارغوانی عشرت افزادان گئچر.
باشیما دوشموش بو گون سودای زُلف عشق یار،
باده‌یه طالبدی کؤنلوم گؤر بو سودادان گئچر.
عالمی ائیلر معطّر نکهت زُلف سیاه،
چون نگار ماهوش ناز ایله صحرادان گئچر.
گوشه‌ی چشمیله صبر و اختیار الدن آلیب،
تورک مستیدیر گلیب گویا کی یغمادان گئچر.
فرقتینده روز و شب چون اشکبار اولموش گؤزوم،
بس کی افغان ائیلرم آهیم ثریادان گئچر.
کیم صنوبر قامتیندن کبک تک رفتاردان،
غنچه‌وش لعلینده‌کی شهد مصّفادان گئچر.
واعظ ائیلر منبر اوسته ذمّ اهل میکده،
باور ائتمه شاهد و بو جام مینادان گئچر.
بوینونا تحت‌الحنك سالمیش، آلیب تسبیح اله،
مکردیر باالله اینانما روی زیبادان گئچر.
هوشیار اول مضطرا اویما بو خواب غفلته،
طالب دنیا اولوب کیم فیض عقبادان گئچر.