منو
×
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
مین سؤز
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
بایاتی
مین سؤز
ائل ادبیاتی
بایاتی
عزیزیم آلا داغا،
گۆن دۆشور آلا داغا.
من قاراداغ اهلییم،
یاز منی قاراداغا.
یاغی گلدی یانیما،
سوسامیشدی قانیما.
دؤندوم غۆربت ائللردن،
قوّت گلدی جانیما.
زحمتیم گئتدی بادا،
ائل گلدی چاتدی دادا.
یارین گؤزو یولدادی،
حسرتدی اوردوبادا.
سؤزوم دۆشر داستانا،
بیر اۆن سالار هر یانا.
غۆربت قوی سیزه قالسین،
من گئدیرم شیروانا.
بو قالا داشدی قالا،
چؽنقیللی، داشدی قالا.
قورخورام غریب اؤلهم،
یار گؤزو یاشدی قالا.
داغ باشیندا مینارا،
شوخو دۆشوب چینارا.
قیسمتیم غۆربت اولدو،
سن باشینا قؽل چارا.
گل منی فاغیر آغلا،
کیمسم یوخ، ساغیر آغلا.
چؽخ داغلارین باشینا،
آدیمی چاغیر، آغلا!
ایرفه دۆزدوم کاسا،
کیم ائندیره، کیم آسا.
سن اوردا شادلیق ائیله،
من بوردا باتیم یاسا.
ائلهدیمی داد اولا،
فریاد اولا، داد اولا.
قورخورام غریب اؤلهم،
آغلایانیم یاد اولا.
کم باختی سؤنن غریب،
غۆربتده اؤلن غریب.
بختور گۆنه دۆشدو،
وطنه دؤنن غریب.
داغلار او داغلارمولا؟
باش وئرر باغلارمولا؟
نئجه کی من آغلادیم؟
یارب، یار آغلارمولا؟
من عاشیقم قاراباغ،
شکی، شیروان، قاراباغ.
تئهران جنّته دؤنسه،
یاددان چؽخماز قاراباغ.
گؤیده دولانان بولود،
رنگی سارالان بولود.
من ائلدن آرالاندیم،
سن ده آرالان، بولود.
بو یولو گئدن گلمز،
بیلمیرم ندن گلمز.
قؽریلیب قاتاریندان،
چؽخیب جرگهدن، گلمز.
غریبهم بو وطنده،
گؤزوم یولدان اؤتنده.
غریبلیک یامان اولور،
باش یاستیغا یئتنده.
یول وئرمه یادا، تبریز،
ائل گئدر بادا، تبریز.
سنین حسرتیندهیم،
جان سنه فدا، تبریز.
غریب عؤمرو بیتنده،
قالار اؤزگه وطنده.
سن یادیما دۆشورسن،
باغدا بۆلبول اؤتنده.
عزیزیم سنی، تبریز،
ائل سئور سنی، تبریز.
آل قوینونا عزیزله،
آنا تک منی، تبریز.
من گئدیرم او یۆزه،
قاییقدا اۆزه-اۆزه.
آی قوشلار، سیز شاد اولون،
مئشهلر قالیر سیزه.
کهلیگیم، فرم سنسیز،
دۆشوبدور پرن سنسیز.
یاد ائلده، یاد اؤلکهده،
اینان، گۆلمهرم سنسیز.
1
2
3
›
»