منو
×
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
مین سؤز
باش صفحه
سون آرتیریلمیشلار
سئویلمیشلر
بلاگ
مین سؤزه یاردیم
بایاتی
مین سؤز
ائل ادبیاتی
بایاتی
من عاشیق، قانلیلاری،
قان توتسون قانلیلاری.
قودوز قوردا دؤنهیدیم،
توتایدیم قانلیلاری.
قایالار قاردا قالدی،
بۆلبوللر زاردا قالدی.
کؤنول قاپیسی باغلی،
آچاری یاردا قالدی.
مارال، مارال اینییم،
قارنی خارال اینییم؛
آدداماجدان آدلاماز،
چپر یارار اینییم.
آلتونام، آلما منی،
دیللره سالما منی.
آپار صرّافا گؤستر،
قلپمسه، آلما منی.
داغلار، سنی یؤندریم،
یولون بری دؤندریم.
مۆشکول ایشیم دۆشوبدو،
یانینا کیمی گؤندریم؟
آل قایادان آت منی،
ائن آشاغی، توت منی.
آل قوللارین اۆستونه،
لایلا دئ، اویوت منی.
گؤزلریم نمدیر منیم،
یاش آخار، نمدیر منیم.
سایرییام، ساغالمانام،
هئچ بیلمن، نمدیر منیم.
هارای، ائللیلر، هارای!
جئیران چؤللولر، هارای!
بندیمی سئل آپاردی،
علی بئللیلر، هارای!
یول اۆستونده دورایدیم،
تۆفنگی دولدورایدیم.
یاری مندن ائدنین
رنگ-روفون سولدورایدیم.
گل چؽخما داغا، گؤزل،
قورخورام یاغا، گؤزل.
گۆلون عؤمرو آز اولار،
بزکدی باغا گؤزل.
چای آخار، داغی نئیلر،
باغچالار باغی نئیلر.
بیر چؽراق حاقدان یانا،
او چؽراق یاغی نئیلر.
عاشیقم، دردین آلام،
آرتیبدیر دردو نالام.
ایسترم درد بیلمزین
الیندن دردین آلام.
ائلهمی داشلی یئرلر،
تورپاقلی، داشلی یئرلر.
بو دۆنیادا هله وار
گؤزلری یاشلی یئرلر.
پالوتون یئری منم،
تورپاقدا چۆرومنم.
گلسینلر زیارته،
قؽزلارین پیری منم.
قارشیدا گلن دملر،
بۆلبوله گلن دملر.
ایندی گلمک سیزیندیر،
گئتدی بیز گلن دملر.
فعلهکی دیندیرهیدیم،
گۆجومو بیلدیرهیدیم.
یاریما ال وورانین
اللرین سؽندیرایدیم.
من عاشیق حذر، دؤنر،
دولانار، گزر، دؤنر.
بو دۆنیا بیر دییرمان،
دردینن ازر، دؤنر.
ماهود ندیر، بئز ندیر،
چوخا ندیر، خز ندیر؟
ال دگمهین بو تورپاق
گؤز گؤرمهین خزنهدیر.
تامبورون تئلی لالدیر،
بازاردان آلان بالدیر.
قؽزلارا قوربان اولوم،
گلینلر آیری مالدیر.
بو قارلی داغ منیمدیر،
سول منیم، ساغ منیمدیر.
کیم اکدی، کیم بئجردی،
کیم دئدی باغ منیمدیر!
«
‹
213
214
215
216
›